அள்ளிக்கட்டு!
*அடக் காவோலைகளே!*
இந்தக் குருத்தோலைகளின் செறுமல் கேளுங்கள்!
*அரசியல் நரிகளே!*
ஆங்காங்கே நின்று வேடிக்கை பாருங்கள்!
நன்றாக நடிக்கத் தெரிந்த *நடிகர்களே!*
உள்ளே வராமல் உங்கள் வேலையைப் பாருங்கள்!
போராட்டத்தையும் புதுமையாய் நடத்தும் புயல்களின் சீற்றம் பாருங்கள்!
சுயநலம் ஒன்றையே
முதலீடாய் கொண்டு
முடியாட்சி செய்யும்
*முயல் கூட்டமே!*
கல்விச்செறிவு கொண்ட
காளையர் போராட்டம்
பாருங்கள்!
*சூழ்ச்சி* செய்து
ஆட்சி செய்யும்
தலைவர்கள் இல்லை!
தொண்டர்கள் மட்டுமே
உலகை உலுக்குகிறார்கள்!
ஐநூறு ரூபாய்க்கும்
அரைத்தட்டு பிரியாணிக்கும்
*பொறுக்கிய* கூட்டமல்ல!
இந்தியச் சுதந்திரத்தின்
இத்தனை கால
இழிவான ஆட்சி கண்டு
பொறுக்காத கூட்டமிது!
*குடி* ஆட்சி
நடத்தும் கூட்டமே!
உங்கள்
தடி ஆட்சி இங்கே
தவிடு பொடியாகும்!
கல்வியறிவில்லாக் *கயவர்களே!*
நீங்கள் *கைரேகை*யிடு முன்னர்
எழுதியிருப்பது
அறியாமையால் வந்த அவலம் பாருங்கள்!
மழையென்ன குளிரென்ன
மாமலையே கடுகாம்!
தமிழுக்கு மட்டுமல்ல!
தமிழனுக்கு மட்டுமல்ல!
இந்த போராட்டம்!
இறுமாந்து நிலலுங்கள்
*இந்தியர்களே!*
இனி இந்தியா
உங்கள் கையில் *அடிமாடல்ல!*
இளைஞர்கள் கையில்
*அணிகலன்!*
இந்தச் சிறு செறுமலுக்கே
அலறி விட்ட ஆந்தைகளே!
முடிந்தால்
ஜல்லிக்கட்டுக் காளைகளை அல்ல
இந்தக் காளையரை அடக்கிப்பாருங்கள்!
உங்கள் அரசியல் வாழ்க்கை *அஸ்தமனமாகி* விடும்!
மாநிலத்தில் சுயாட்சி!
மத்தியில் கூட்டாட்சி!
தமிழகத்தில் *மாணவராட்சி!*
-முன்னாள் மாணவன்-
